المشاكل بين الكنة والحماية °¨°°o°°¨" دعوة للنقاش ..

عدد الرسائل : 160 تاريخ التسجيل : 18/04/2008

قالوا لو ابليس دخل الجنة الحمايه بتحب الكنة
قالوا مكتوب على باب الجنة عمرها حمايه ماحبت الكنة
قالوا مكتوب على باب السما عمرها كنة ماحبت حما

طبعاَ تعددت الأمثال والقصد واحد ..

والمقصود من هذه الأمتال هو كره الحماية للكنة والعكس كلنا يسمع عن المشاكل يلي بتصير بين الحماية والكنة وكل وحده بتحط الحئ على التانية (( بس هاد موقاعدة يعني مو كل الحمايات بيكرهوا زوجات اولادهن والعكس صحيح ))

فهذه الكنة تقول دائماَ أشعر أن حماتي لا تحبني وتشعرني بأنني سرقت ابنها منها وأني دائماَ مقصرة في أمور ابنها ولا يعجبها العجب لحماتي مهما فعلت

وهذه الحمايه تقول ياخسارة من وقت ما اتزوج ابني نسيني ونسي تربيتي له وصارت مرته كل حياته وهي الوحيدة التي يفكر بها وأنا يلي صرت رجل كرسي بالبيت

الصراحة ما دفعني لكتابة هذا الموضوع هو أنني ضدد هذه الأمثال

لاني لسى ماتزوجت وخايفة شوي .. بدي رأيكم .. مو صح انو مافي مشاكل دائمة ؟؟ حابة نتناقش سوا معي

مع العلم أن كثير من الناس قالوا لي قبل زواجي أنني سوف أتعب من مشاكل الحماية .. وطبعا للعلم مارح قلها حماتي بل ماما .. لانو رح تكون امي التانية وكلمة ماما لحالها رح تحسسها اديش انا بحبها ومابدي مشاكل ..

طبعاَ لي عودة الى الموضوع بعد ماشوف ردودكم على السؤال :

برأيكم ماهو الحل للمشاكل بين الكنة والحمايه ؟

باختصار انا رح حب حماتي كتتتير ومارح قلها حماتي .. لانو مارح تكون حماتي رح تكون امي التانية بيكفي هي اللي جابتلي زوجي .. و اكيد مابيهون علّي يزعل مني .. ولا بيهون عليّ تزعل من ابنها .. لاني بكون اذا زعلتها السبب في دخوله النار لاسمح الله .. (( الجنة تحت اقدام الامهات ..))